Literaturatik gehiago pinturatik baino

Rufina Cuba: bizitzaren arrastoak.

Hondarribiko Modotti Tailerrean egindako erakusketa, 2011ko urriaren 11tik 30era.

Argazkiak ikusteko, egin klik hemen (edo hemen, Flash gabe ikusteko).

Kontrakoa esaten bada ere, uste dut argazkigintzak gehiago duela literaturatik pinturatik baino. Francesc Català Roca (Argazkilaria. Katalunia, 1922-1998).

Català Roca argazkilari kataluniarrak (1922-1998) esana da argazkigintzak gehiago duela literaturatik pinturatik baino, kontrakoa esaten bada ere. Iritzi berekoa naiz, eta esaldi horretaz baliatu naiz, hain zuzen, erakusketari izenburua emateko. Jendearen argazkiak interesatzen zaizkit, beren ingurunean eta ustekabean ostutakoak, batez ere; erretratua ere gustukoa dut, pertsonaren izaera espresio batek laburbiltzen dueneko une hori harrapatzeak betetzen nau. Paisaian ikuspuntu desberdinaren bila ibiltzen naiz, posta txartelekotik urrundu nahian, abstrakzio bila maiz: lanbroak ezkutatzen dizkidan bazterrak maiteago ditut zeru urdin arruntak erretakoak baino. Natura, abstraktua, era guztietako xehetasunak... edozerk erakartzen dit begiratua, zerbait adieraziko duen irudia nondik eskuratuko.

Aro digitalaren etorrerarekin argazkigintza ez dela funtsean aldatu iruditzen zait, baina bistan da egileari baliabide berriak ekarri dizkiola: argazkia egiteko unetik hasi, eta hura erakutsi arteko prozesua hobeto kontrolatzeko aukera, batik bat. Modotti Tailerreko erakusketara, aro digitalean egindako zenbait argazki ekarri ditut, 2006tik 2010era bitartekoak. Denetik pixka bat, beraz, areto txiki honetako hormetan zintzilik: paisaiak, jendea, erretraturen bat...; horien artean zortzi Kuban ateratakoak dira, azken boladan hainbat alditan suertatu baitzait uharte eder horretan izateko parada.

19.90: baleki gazteak, baleza zaharrak.

Handiago ikusteko, egin klik --bakarra-- beheko irudi hauetako baten gainean.

  • Abiapuntu ala helburu?

  • Uda laburreko uzta, negu luzerako gertu.

  • Habana.

  • Habana koloretan.

  • Rufina Cuba: bizitzaren arrastoak.

  • Arratseko azken argiak.

  • Itzalak.

  • Alejandro, Yamila eta Angelán.

  • UDC500.

  • Argazkian baino zaharrago gara beti [Philippe Lacoue-Labarthe, Ylipe].

  • 19.90: baleki gazteak, baleza zaharrak.

  • Zazpi zirkulu.

  • Gernika, Auschwitz, Hiroshima, Xabra eta Xatila, Srebrenica...

  • Zuhaitzak zutik hiltzen dira [Alejandro Casona].

  • Posta txartela, Suomenlinnatik.

  • Goizeko argiak, Arana bailaran.

  • Teide: sua egon den lekuan, ez da dena beltz.

  • Caldera de Taburiente: amildegiaren ertzean.

  • Jezteko ordua.

  • Zaldia eta elorria.

  • Errauts artean, itsasoaren erdian.

  • Eliza eguzkitan.

  • Eliza eta hilerria.