Zenbakiak dira agindun
gau eta egun, zero eta ehun.
Zenbakiak dira zentzen, ez pertsonak
kopuruak aipagai beti, ehunekoak.

Zenbakiak dira agindun
gau eta egun, zero eta ehun.
Zenbakiak dira kausa, ez akatsak
kopuru da oro, etekin, efizientzia.

Zenbakiak dira agindun
gau eta egun, zero eta ehun.
Zenbakiak dira albiste, ez heriotzak
kopuruak nagusi, zoria, patua.

Zenbakiak dira agindun
gau eta egun, zero eta ehun.
Zenbakiak dira, ez odolbatuak
kopuruak, ez izen-deiturak.

Zenbakiak dira agindun
gau eta egun, zero eta ehun.
Zenbaki dira onurak
kopuru, kalteak.

Zenbakiak dira agindun
gau eta egun, zero eta ehun.
Zenbakiak, olatu
kopuruak, kurba.

Zenbakiak dira agindun
gau eta egun, zero eta ehun.
Zenbat da nagusi, ez nola
kopurua, ez kalitatea.

Zenbakiak dira agindun
gau eta egun, zero eta ehun.
Zenbakiak, zenbakiak, zenbakiak
kopuruak, kopuruak.

Zenbakiak agindun, gau eta egun, zero eta ehun…