Kurriloak agertu ei dira berriz Euskal Herriko zeruan,
Ez dut halakorik bistatu Kubako Santiagon.

Beste gerra bat piztu omen da, Europan orain,
hiriko hotel nagusia itzalita dago hemen.
Pandemia gabe, Ukraina omen egungo hizpidea han,
ipar alderako ihesbide berriaz ari dira hemen.
Inauteria normal ari omen da Tolosan,
negu partean ez da inauteririk hemen.

Kurriloak agertu ei dira berriz Euskal Herriko zeruan,
etsi laino ilunak sumatzen ditut nik hemengoan.

Hemen nago edo han?
Hanago hemen baino?
Halakoxeak dira garaiok:
aise egoten ahal gara
ez gauden hartan,
nekez egoten gara
gauden honetan.