Lenga edo pago aizuna (Nothofagus pumilio) Patagoniako basoetan ohikoa den zuhaitz mota bat da; pago austral, haritz zuri edo Suaren Lurraldeko haritz ere esaten zaio. Zenbait tokitan 30 m-ko garaiera izatera iristen da, nahiz eta altuera handiko mendi inguruan zuhaixka gisa hazten den; hostoerorkorra da, eta oso zur ona ematen du altzariak egiteko eta eraikuntzarako.
Argazki sorta honetara Puerto Williams (Txile) inguruko Cerro Bandera-ko lengadi zahar batean egindako argazkiak ekarri ditut1. Puerto Williams Beagle kanalaren hego aldeko ertzean dago, eta munduan hego alderen dagoen hirigunea-edo da (lehia zentzugabe horretan arerio duen Argentinako Ushuaia bera baino hego alderago), 54º 56′ 03″ S latitudean.
Utzi erantzuna